பிளிப்கார்டுக்குப் போட்டியாக ரூ.260 கோடி முதலீடு செய்யும் அமேசான்..!

பேமெண்ட் வர்த்தகம்

இந்தியாவில் டிஜிட்டல் பணப் பரிமாற்றங்களின் எண்ணிக்கை குறைந்த காலகட்டத்தில் பெரிய அளவில் உயர்ந்துள்ளது. இத்தகைய சந்தையைக் கைப்பற்றவே கூகிள் முதல் பிளிப்கார்ட் வரையில் அனைத்து நிறுவனங்களும் போட்டி போட்டு வருகிறது.

சமீபத்தில் கூகிள் நிறுவனம் கூட TEZ என்ன பணப் பரிமாற்ற செயலியை வெளியிட்டது குறிப்பிடத்தக்கது.

350 கோடி ரூபாய்

அமேசான் நிறுவனம் தனது பேமெண்ட் வர்த்தகமான அமேசான் பேவில் இதுவரை சுமார் 350 கோடி ரூபாய் முதலீடு செய்துள்ளது.

சமீபத்தில் அமேசான் பே தனது அனுமதி அளிக்கப்பட்ட மூலதன அளவை 400 கோடியில் இருந்து 2,000 கோடி ரூபாயாக உயர்த்தியது. இந்நிலையில் இப்புதிய முதலீட்டு மூலம் அமேசான், பிளிப்கார்ட்-இன் போன்பே மற்றும் பேடிஎம் நிறுவனங்களுடன் போட்டி போட தயாராகியுள்ளது.

பிளிப்கார்ட்

சில வாரங்களுக்கு முன்பு பிளிப்கார்ட் நிறுவனமும் தனது பேமெண்ட் வர்த்தகத்தில் 500 மில்லியன் டாலர் வரையில் முதலீடு செய்ய உள்ளதாக அறிவித்தது. இதில் முதல்கட்டமாக 180-200 மில்லியன் டாலர் வரை முதலீடு செய்துள்ளது.

பேடிஎம்

அமேசான் மற்றும் பிளிப்கார்ட் நிறுவனங்களுக்குப் போட்டியாகப் பேடிஎம் தனது வர்த்தகத்தை விரிவாக்கம் செய்யவும், புதிய வாடிக்கையாளர்களைக் கொண்டு வரவும் ஜப்பான் சாப்ட்பேங்க் நிறுவனத்திடம் இருந்து சுமார் 1.4 பில்லியன் டாலர் முதலீட்டைத் திரட்டியுள்ளது.