முதல் இடம்

இந்த கணக்குப் படி மாருதி சுஸிகியின் மாருதி ஆல்டோ தான் பிப்ரவரி 2019-ம் மாதம் அதிகம் விற்பனையான கார். பிப்ரவரியில் மட்டும் 24,751 மாருதி ஆல்டொக்கள் விற்பனையாகி இருக்கிறதாம்.

இரண்டாம் இடம்

ஆல்டோவைத் தொடர்ந்து மாருதி சுஸிகியின் ஸ்விஃப்ட் கார்கள் 18,224 எண்ணிக்கையில் கடந்த பிப்ரவரி 2019-ல் மட்டும் விற்பனை ஆகி இரண்டாம் இடத்தைப் பிடித்து இருக்கிறது. 2018 பிப்ரவரியில் இந்த ரகத்தில் 17,291 கார்கள் தான் விற்பனை ஆனதாம்.

மூன்றாம் இடம்

ஸ்விஃப்டைத் தொடர்ந்து பலேனோ மூன்றாவது இடத்தில் இருக்கிறது. இந்த ரக கார்கள் பிப்ரவரி 2019-ல் மட்டும் 17,944 கார்கள் விற்பனையானதாம். 2018 பிப்ரவரியில் இந்த ரகத்தில் 15,807 கார்கள் தான் விற்பனை ஆனதாம்.

நான்காம் இடம்

பலேனோவைத் தொடர்ந்து ஸ்விஃப்ட் டிசையர் 15,915 கார்கள் விற்பனையாகி நான்காவது இடத்தைப் பிடித்திருக்கிறதாம். 2018 பிப்ரவரியில் இந்த ரகத்தில் 20,941 கார்கள் விற்பனை ஆனதாம். பிப்ரவரி 2018-ல் முதலிடத்தில் இருந்த கார் ஸ்விஃப்ட் டிசையர் தானாம்.

ஐந்தாம் இடம்

ஐந்தாவது இடத்தில் மாருதி சுஸிகி வேகனார் இருக்கிறது. பிப்ரவரி 2019-ல் 15,661 கார்கள் விற்பனையானதாம். 2018 பிப்ரவரியில் இந்த ரகத்தில் 14,029 கார்கள் தான் விற்பனை ஆனதாம்.

ஆறாம் இடம்

ஆறாவது இடத்தில் மாருதி சுஸிகியின் காம்பேக்ட் எஸ்யூவியான விட்டாரா பிரஸ்ஸா இடம் பிடித்திருக்கிறது. பிப்ரவரி 2019-ல் 11,613 கார்கள் விற்பனை ஆனதாம். ஆனால் 2018 பிப்ரவரியில் இந்த ரகத்தில் 11,620 கார்கள் விற்பனை ஆனதாம். மொத்த மாருதி குழும வாகனங்களில் விட்டாரா பிரஸ்ஸாவுக்கான டிமாண்ட் தொடர்ந்து ஒவ்வொரு மாதத்திலும் நிலையாக இருக்கிறதாம்.