டுவிட்டரில் பங்கு உண்டு

டுவிட்டர் நிறுவனத்தில் ஜாக்கின் பங்குகள் மதிப்பு சுமார் 600 மில்லியன் டாலர்களாகும். டுவிட்டரை நிறுவியவர்களில் இவரும் ஒருவர் என்பது கவனிக்க வேண்டிய ஒரு விஷயமாகும். சரி இவ்வளவு அதிகமான சொத்துக்களை வைத்திருக்கும் இவர் பின் ஏன் சம்பளம் பெற வேண்டும். அதை பெறாலமலே வேலை செய்யலாம் என்கிறீர்களா? அதற்கும் காரணம் உண்டு என் கிறது இந்த நிறுவனம்.

டுவிட்டர் மட்டுமல்ல பேஸ்புக்,கூகுள் CEOக்களும் தான்

டுவிட்டர் மட்டும் அல்ல, பேஸ்புக் நிறுவனத்தின் CEOவாக இருக்கும் மார்க் சக்கர்பெர்க் கடந்த 2012ல் 7,70,000டாலர்களை சம்பளமாக பெற்றார். ஆனால் தற்போது பேஸ்புக்கில் மிக குறைவான சம்பளம் பெறுவதும் இவர்தான். இவருக்கும் தற்போது 1 டாலர் என்பது குறிப்பிடத்தக்கது.

One dollar Pay பெறும் சில சி.இ.ஒக்கள்

இதோடு மட்டும் அல்ல ஆரக்கிள் நிறுவனத்தின் லாரி எலிசன், கூகுள் நிறுவனத்தின் லாரி பேஜ் எனப் பலரும் இந்த 1 டாலர் சம்பளத்தையே பெற்று வருகின்றனர். இவ்வாறு சம்பளம் பெறுவதை One dollar Pay என்றும் குறிப்பிடுகின்றனர்.
இந்த வழக்கம் தற்போது மட்டும் அல்ல, 1900 களில் இருந்து பிரபலமடைந்து வருகிறது. உலகப்போர் மற்றும் போர்களின் போது பல தொழிற்துறை சேர்ந்த தலைவர்கள் அமெரிக்க அரசிற்காக சேவை செய்தனர். அந்த நேரத்தில் அதற்காக அவர்கள் எந்தவொரு சலுகையும் பெற விரும்பவும் இல்லை. அந்த நேரத்தில் ஆயிரக்கணக்கானோர் 1 டாலர் மட்டுமே சம்பளம் பெற்று வந்தனர். இவ்வாறு சம்பளம் வங்கியவர்களை "டாலர் ஏ இயர் மென் " என்று அழைத்தனர்.

பங்குகள் மூலம் பெறப்படும் வருமானத்தால் வரி குறையலாம்

அந்த செயல்முறை தற்போது மீண்டும் செயல் முறைக்கு வந்துள்ளதாகவும் கூறுகின்றனர். மேலும் இவ்வாறு ஒரு டாலர் மட்டும் சம்பளமாக பெறுவதால் சம்பளம் இல்லாததால் நிறுவனத்தின் வளர்ச்சிக்கு மேன்மேலும் பாடுபடுவார்கள் என்றும் , அதில் அவர்களின் முழுக்கவனும் இருக்கும். ஏனெனில் அவர்களுக்கு அந்த பங்குகள் மூலமாக வருவது மட்டுமே வருமானம் என்பது சிலரின் கருத்து. அதேசமயம் இப்படி பங்குகளின் மூலம் வருமானம் ஈட்டினால் வரிகள் குறையும் என்றும் சிலர் கூறுகின்றனர்.

அரசியல் தலைவர்களும் பெற்றுள்ளனர்

இதில் கவனிக்க வேண்டிய விஷயம் என்னவெனில் தொழில் நிறுவனங்களின் தலைவர்கள் மட்டுமல்லாது, ஒரு சில அரசியல் தலைவர்களும் கூட இந்த ஒரு டாலர் சம்பளத்தை பெறுகின்றனர். இது நாட்டின் வளர்ச்சிக்காக பாடுபடும் ஒருவரை அடையாளம் காட்டுவதோடு அதன் மூலம் பலர் பயன் பெறலாம் என்பதே இதன் நோக்கமாகும்.