தயாரிப்பாளர்கள் பாதுகாப்பு

பொதுவாக இப்படி ஊர் பெயருடன் தயாராகும் பொருட்களுக்கு என்று ஒரு தனி விலை சந்தையில் கிடைக்கும். அதற்கு காரணம் அந்த பொருளின் தரம் மற்றும் நம்பகத் தன்மை. இப்படி புவிசார்க் குறியீடுகளைக் கொடுப்பதால் மற்ற யாரும் அந்த பெயரைப் பயன்படுத்தி போலி பொருட்களை விற்க முடியாது. இப்படி பொருட்களுக்கு புவிசார் குறியீடு கொடுப்பதால் அந்த பொருட்களை உற்பத்தி செய்பவர்களுக்கு ஒரு பொருளாதார பாதுகாப்பு கிடைக்கிறது.

விவசாயப் பொருட்கள்

விவசாயப் பொருட்கள், இயற்கையாகக் கிடைக்கும் பொருட்கள், கை வேலைப்பாடுகள் கொண்டு உற்பத்தி செய்யப்படும் பொருட்களுக்கு மட்டுமே இப்படி புவிசார்க் குறியீடுகள் வழங்குவார்கள். அதுவும் இந்த ரக பொருட்கள் அவர்கள் பகுதிகளில் மட்டும் கிடைப்பது உறுதிப்படுத்தப்பட வேண்டும்.

2004-ல் இருந்து

இப்படி இந்தியாவின் காஷ்மீர் பாஷ்மினா சால்வைகள், நாக்பூர் ஆரஞ்சுகள், திருப்பதி லட்டு, டார்ஜிலிங் டீ என பல பொருட்களுக்கு ஏற்கனவே இந்தியாவில் புவிசார் குறியீடுகள் வழங்கப்பட்டிருக்கிறதாம். இந்தியாவில் முதல் முறையாக 2004-ல் புவிசார்க் குறியீடு பெற்றது டார்ஜிலிங் டீ தான். அதன் பின் இன்று வரை 344 இந்திய பொருட்களுக்கு புவிசார்க் குறியீடுகள் வழங்கி இருக்கிறார்களாம்.

வழக்கே தொடுக்கலாம்

இந்த புவிசார் குறியீட்டை யாராவது தவறாகப் பயன்படுத்தினால் அவர்கள் மீது வழக்கே தொடுக்கலாமாம். ஒரு முறை வழங்கப்படும் புவிசார்க் குறியீடு 10 ஆண்டுகளுக்கு செல்லுபடியாகும். அதன் பின் மீண்டும் நீட்டிப்பு செய்யப்படுமாம். குறிப்பாக புவிசார் குறியீடு உலக வர்த்தக அமைப்புச் சட்டங்களுக்கு உட்பட்டது.