நிகர வட்டி வருவாய் அதிகரிப்பு

இதில் கவனிக்க தக்க விஷயம் என்னவெனில் நிகர வட்டி வருவாய் 22.8 சதவிகிதம் அதிகரித்து 13,089.50 கோடி ரூபாயாக அதிகரித்துள்ளது. இது வங்கியின் நிகர லாபத்தில் முக்கிய பங்கு வகிக்கிறது. மேலும் நடப்பு நிதியாண்டில் நிகர லாபம் இதுவரை இல்லாத அளவுக்கு வளர்ச்சி அடைந்ததற்கு இதுவும் ஒரு காரணமாகும்.

இது வரை இல்லா நிகரலாபம்

ஹெச்.டி.எஃப்.சி வங்கி கடந்த காலாண்டில் 5885.10 கோடி ரூபாயாக அதிகரித்துள்ளது. இதுவே செப்டம்பர் காலாண்டில் 5005.70 ஜ்கோடி ரூபாயாக இருந்தது குறிப்பிடத்தக்கது. இந்த நிகர லாபம் இந்த ஆண்டில் இல்லாத அளவுக்கு அதிகரித்துள்ளது குறிப்பிடத்தக்கது.

பங்குதாரர்களுக்கு டிவிடெண்ட்

இதையடுத்து இந்த லாபத்தினை பங்குதாரர்களுடன் பகிந்து கொள்ளும் வகையில் இந்த ஹெச்.டி.எஃப்.சி வங்கி 15 ரூபாயை டிவிடெண்டாக கொடுக்க தீர்மானித்துள்ளது. இது அடுத்து வரும் பொதுக்கூட்டங்களில் பங்கு தாரர்களின் ஒப்புதல் பெற்று பின்னர் அறிவிக்கப்படும் என்றும் கூறப்பட்டுள்ளது.

நிதிதிரட்ட அனுமதி

இது தவிர கடன் பத்திரங்கள் மூலமாக அடுத்த 12 மாதங்களில் 50,000 கோடியை நிதியாக திரட்டிக் கொள்ளவும் இந்த வங்கி குழு அனுமதி கொடுத்துள்ளது. இந்த நிதி திரட்டல் மூலம் வங்கியின் கட்டமைப்புகள், நிதியாண்மையை விரிவு படுத்த உள்ளதாகவும் வங்கி வட்டாரங்கள் தெரிவிக்கின்றன.