தமிழக எம்.எல்.ஏல்களின் சம்பளம்

அடிப்படை ஊதியம் மாதம் 30,000 ரூபாயாம். இதே இழப்பீடு தொகையாக 10,000 ரூபாயும், தொலைப்பேசி பில்லுக்காக 7,500 ரூபாயும், தொகுதிக்கு 25,000 ரூபாயும், தபால் செலவாக மாதம் 2,500 ரூபாயும், ஒருங்கிணைந்த நிதியாக மாதம் 5000 ரூபாயும், இதே வாகன அலவன்ஸாக 25,000 ரூபாயும் தரப்படுகிறதாம்.

சந்திப்புக்கு வந்தால் ரூ.500

தற்போதைய நிலையில் ஒரு எம்.எல்.ஏவின் சராசரி சம்பளம் 1 லட்சம் ரூபாயாம். அதோடு தினசரி படிகளும் உண்டாம். அதாவது ஒரு எம்.எல்.ஏ சட்டமன்றத்தின் அமர்வுகளிலோ அல்லது எந்த ஒரு அரசாங்கக் குழுவின் எந்த சந்திப்புக்கு வருகிறார்களோ அந்த மன்றத்தின் எந்தவொரு குழுவின் கூட்டங்களிலும், அரசாங்கத்தால் கூட்டப்படும் எந்த கூட்டத்திற்கும் வருகைக்காக ரூ500 நாள் ஒன்றுக்கு தரப்படுமாம்.

எம்.எல்.ஏக்களின் டிராவல் அலவன்ஸ்

ஒரு எம்.எல்.ஏ பாராளுமன்ற குழுவிற்கோ அல்லது வேறு ஏதேனும் தொழில் நிமித்தமாக மற்ற இடங்களுக்கு செல்லும்போது அதற்காக தனியாக சலுகைகளும் உண்டாம். அதிலும் ரயிலின் மூலமாக செல்லும்போது அவருக்கு கிலோ மீட்டருக்கு 10 பைசா விகிதத்தில் தான் கட்டணம் இருக்குமாம். அதே ரோடு வழியாக செல்லும் போது, குறிப்பாக பேருந்துகள் செல்லும் ரோடு வழியாக செல்லும் போது 25 பைசாவும், இதுவே பேருந்து வழிகள் அல்லாத வழி தடத்தில் செல்லாமல், வேறு வழித்தடங்களில் செல்லும் போது 50 பைசாகவும் அலவன்ஸ் கிடைக்குமாம்.

எம்.எல்.ஏ அடையாள அட்டை

ஒவ்வொரு எம்.எல்.ஏக்களுக்கும் உறுப்பினர் அடையாள அட்டை வழங்கப்படுமாம். இந்த அடையாள அட்டையை பயன்படுத்தி தனியாகவோ அல்லது அவரோடு பயணம் செய்யவோ, ஒரு எம்.எல்.ஏவோ மனைவி அல்லது வேறு எந்த தோழரோடும் எந்த நேரத்திலும், எந்தப் பகுதியிலும், மாநிலத்திலும் போக்குவரத்தின் போது பயன்படுத்திக் கொள்ளலாம்.