டெல்லி: நிர்மலா சீதாராமனின் முதல் பட்ஜெட் சிறப்பாக முடிந்தது. தனியார் மயம், அந்நிய நேரடி முதலீடுகளுக்கு சிவப்புக் கம்பளம் விரிப்பது என கூடுமான வரை எல்லா வளர்ச்சித் திட்டங்களையும் சேர்த்து அடுத்த சில ஆண்டுகளில் இந்தியாவை 5 ட்ரில்லியன் டாலர் (5 லட்சம் கோடி டாலர்) மதிப்பு கொண்ட பொருளாதாரமாக மாற்ற வழி காட்டி இருக்கிறார்.

சரி எதற்கு, எந்த துறைக்கு அதிக செலவழிக்கப் போகிறார்கள், எந்த துறைக்கு எவ்வளவு ஒதுக்கீடு எனப் பார்த்தால் ஆச்சர்யமாக இருக்கிறது. இருப்பதிலேயே அதிக தொகையை செலவழிக்க இருப்பது வாங்கிய கடனுக்கு திருப்பி செலுத்தப் போகும் வட்டிக்கு தான் என பட்ஜெட் தரவுகள் சொல்கின்றன.

மொத்த 27.86 லட்சம் கோடி ரூபாய் பணத்தில் (வருமானம் + கடன்), 6.60 லட்சம் கோடி ரூபாயை வாங்கிய கடனுக்கு வட்டி கட்டவே செலவழிக்கப் போகிறார்களாம்.

அதற்கு அடுத்த முக்கியத்துவம் பெறுவது ராணுவம் தான். 3.05 லட்சம் கோடி ரூபாயை இதற்குச் செலவழிக்கப் போகிறார்களாம்.
ராணுவத்தைத் தொடர்ந்து உணவு மானியத்துக்கு 1.84 லட்சம் கோடி ரூபாயை ஒதுக்கி இருக்கிறார்கள். உணவு மானியத்தை தொடர்ந்து ஓய்வூதியத் திட்டங்களுக்கான மானியத்துக்கு 1.74 லட்சம் கோடியை ஒதுக்கி இருக்கிறார்கள்.

மத்திய அரசுக்கு வரும் வருவாயில், மாநில அரசுகளுக்கான பங்கு கடந்த 2017 - 18-ம் ஆண்டில் 1.07 லட்சம் கோடி ரூபாயாக இருந்திருக்கிறது. 2018 - 19 நிதி ஆண்டில் 1.41 லட்சம் கோடி ரூபாயாக அதிகரித்திருக்கிறது. இதுவே இந்த 2019 - 20 நிதி ஆண்டுக்கு 1.55 லட்சம் கோடி ரூபாயாக அதிகரித்திருக்கிறார்கள். இப்படி துறைவாரியாக 2019 - 20 பட்ஜெட்டில் எந்த துறைக்கு எவ்வளவு ஒதுக்கீடு செய்திருக்கிறார்கள் என கீழே அட்டவணையில் குறிப்பிட்டிருக்கிறோம்.

எந்த துறைக்கு எவ்வளவு ஒதுக்கீடு செய்திருக்கிறார்கள்