Budget 2021.. WFHல் இருக்கும் ஊழியர்களுக்கு வரி விலக்கு அளிக்கலாம்.. PwC சொன்ன செம விஷயம்..!

வரி விலக்கு அளிக்கலாம்

அந்த வகையில் கடந்த ஆண்டில் பல்வேறு தரப்பினரும் வீட்டில் இருந்து பணிபுரிந்து வருகின்றனர். ஆக ஊழியர்கள் வீட்டில் இருந்து பணிபுரிந்து வரும் இந்த வேளையில், ஏற்படும் செலவுகளுக்கு வரி விலக்கு அளிக்க முடியும். ஏனெனில் இது தேவையை அதிகரிக்கும் என்று ஆலோசனை நிறுவனமான பிடபள்யூசி இந்தியா கூறியுள்ளது.

இதில் கவனம் செலுத்தலாம்

இவர் ப்ரீபட்ஜெட் செசனில் பேசிய Pwc Indiaவின் மூத்த வரி பங்குதாரர் ராகுல் கார்க், மக்கள் கையில் பணம் அதிகம் புழங்கினால், தேவை அதிகரிக்கும். ஆக மக்களிடம் இருந்து வரியாக எடுக்கப்படுவது குறித்து கவனம் செலுத்தலாம் என்றும் கூறியுள்ளார். ஏனெனில் இந்த கொரோனா காலத்தில் சிறிய மற்றும் நடுத்தர வரி செலுத்துவோர் மட்டத்தில் இதனை எதிர்பார்க்கின்றனர்.

 

பணப்புழக்கம் அதிகரிக்கும்

ஒரு வேளை பட்ஜெட்டில் அரசு இதனை செய்தால், நடுத்தர மற்றும் சிறு மட்டத்திலும் மக்கள் கையில் பணப்புழக்கம் அதிகரிக்கும். அதிலும் கடந்த ஆண்டில் இருந்தே ஊழியர்கள் வீட்டில் இருந்தே பணியாற்றி வருவதால், இது ஒரு நியாயமான கோரிக்கையாகும். இன்றைய விலக்கு, ஊழியர்களின் கையில் செலவினங்களாக உள்ளன. ஆக விலக்கு அளிக்கப்படும் பட்சத்தில் அவை ஒரு கட்டத்தில் செலவினங்களாக மாறும். இதனால் நுகர்வு அதிகரிக்கும். இதனால் வரி வருவாயை தியாகம் செய்வதாக இல்லை.

தேவை அதிகரிக்கும்

அதோடு கொரோனா தொடர்பான செலவினங்களுக்கும் வரி சலுகை அளிக்கப்பட வேண்டும். இது தனி நபர்களின் கையில் பணப்புழக்கத்தினை அதிகரிப்பதற்கான வழிகளை உருவாக்கும். இதன் மூலம் மாதம் கணிசமான ரூபாயினை பார்க்க முடியும். இதன் மூலம் நிச்சயம் தேவையை அதிகரிக்க முடியும் என்றும் கார்க் கூறியுள்ளார்.