பதற்றத்தில் ஆட்சியாளர்கள்.. 9.7% தொட்ட வேலையில்லா திண்டாட்டம்.. எதுனா வேலை இருந்தா சொல்லுங்க சார்!

நகர்புறங்களில் வேலையின்மை அதிகரிப்பு

நாட்டில் நிலவி வரும் மிக மோசமான பொருளாதார மந்த நிலைக்கு மத்தியில் வேலையின்மையும் அதிகரித்துள்ளது. சொல்லப்போனால் நகர்புறங்களில் வேலையின்மை விகிதம் 9.7% சதவிகிதமாக அதிகரித்துள்ளது. இது கடந்த டிசம்பர் 2019ல் 9% ஆக இருந்தது. இதே கடந்த ஆண்டு ஆகஸ்டில் 9.71% ஆக இந்த விகிதம் இருந்தது குறிப்பிடத்தக்கது. இதுவே ஜனவரி 2020வுடன் முடிவடைந்த 12 மாதங்களில் சராசரி வேலையின்மை விகிதம் 7.4% ஆக உள்ளது.

ஒட்டுமொத்த வேலையின்மை

நகர்புறத்தில் வேலையின்மை அதிகரித்துள்ள அதே வேளையில், ஒட்டுமொத்த வேலையின்மை விகிதமும் சற்று அதிகரித்துள்ளது. இது நகர்புறத்தினை போல் அல்லாமல் சற்று ஆறுதல் தரும் விதமாக உள்ளது. இது ஜனவரியில் வேலையின்மை விகிதம் 7.16% ஆக சற்று அதிகரித்துள்ளது. இது டிசம்பர் 2019ல் 7.6% ஆக இருந்தது குறிப்பிடத்தக்கது.

கிராமப்புற வேலையின்மை குறைந்துள்ளது

எப்படி எனினும் இதில் சந்தோஷப்படக்கூடிய ஒரு விஷயம் என்னவெனில் கிராமப்புறங்களில் இந்த வேலையின்மை விகிதம் குறைந்துள்ளது தான். இது கடந்த அக்டோபரில் 8% ஆக இருந்த நிலையில், டிசம்பரில் 6.9% ஆகவும், இதே ஜனவரியில் 6% ஆகவும் குறைந்துள்ளது.

கணிசமான அளவு அதிகம் தான்

இது குறித்து CMIEயில் தலைமை நிர்வாக அதிகாரி மகேஷ் வியாஸ் ஆங்கில நாளிதழ்களுக்கு அளித்த அறிக்கையில், கடந்த ஆண்டு ஆகஸ்ட் மற்றும் அக்டோபர் மாதங்களில் வேலையின்மை விகிதம் 8% தாண்டியது. ஆக தற்போதைய எண்ணுடன் ஒப்பிடும்போது, 8% குறைந்ததாகத் தான் தெரிகிறது. ஆனால் 7% மேலாகத் தான் உள்ளது. சொல்லப்போனால் கடந்த 12 மாதத்திற்கு மேலாக இந்த விகிதமான சுமார் 7.4 ஆக உயர்ந்திருந்தாலும், இது கணிசமான அளவு உயர்ந்துள்ளது என்று கூறியுள்ளார்.