ஒரு டாலர் கூட வரி செலுத்தாத பெரும் தலைகள்.. அமெரிக்க பில்லியனர்களின் தில்லாங்கடி வேலை..!

ப்ரோபப்ளிகா ஆய்வறிக்கை

நியூயார்க் நகரத்தை சேர்ந்த ப்ரோபப்ளிகா என்னும் லாபமற்ற செய்தி நிறுவனம் வெளியிட்டுள்ள ஆய்வறிக்கை தான் தற்போது அமெரிக்கர்கள் மத்தியிலும் பணக்காரர்கள் மத்தியில் காட்டுத்தீ போல் பரவி வருகிறது.

அமேசான் ஜெப் பைசோஸ்

ப்ரோபப்ளிகா வெளியிட்டுள்ள அறிக்கையில் அமேசான்.காம் நிறுவனத்தின் தலைவரான ஜெப் பைசோஸ் 2007 முதல் 2011 வரையிலான காலம் வரையில் ஒரு டாலர் கூட வருமான வரியாகச் செலுத்தவில்லை என்றும் தெரிவித்துள்ளது.

டெஸ்லா எலான் மஸ்க்

இதேபோல் டெஸ்லா நிறுவனத் தலைவர் எலான் மஸ்க் 2018ல் எவ்விதமான வரியும் செலுத்தவில்லை என்றும், இவர்களைப் போல மைகெல் ப்ளூம்பெர்க், காரல் ஐகேன், ஜார்ஜ் சோரஸ் போன்ற பல பில்லியனர்கள் பல வருடங்கள் எவ்விதமான வரியும் செலுத்தவில்லை என்று தெரிவித்துள்ளது.

வருமான வரித் தரவுகள்

பெரும் பணக்காரர்களின் வருமான வரி செலுத்திய தரவுகளை எப்படிப் பெற்றது என விளக்கம் கொடுக்க மறுத்த ப்ரோபப்ளிகா, அமெரிக்காவின் பல பணக்காரர்கள் பல முறை சாமானிய அமெரிக்க மக்களை விடவும் குறைவான வரியும், பல முறை எவ்விதமான வரியும் செலுத்தாமல் இருந்துள்ளனர் எனத் தெரிவித்துள்ளது.

வரி ஏய்ப்பு இல்லை

வரி செலுத்தாத காரணத்தால் இவர்கள் வரி ஏய்ப்பு-ஓ அரசை ஏமாற்றவோ இல்லை, ஆனால் வரி செலுத்தும் அளவீட்டைக் குறைக்கும் பல வழிகளைப் பயன்படுத்தி இந்த வேலையைச் செய்துள்ளனர். ஆனால் இந்த வழிகள் சாமானிய மக்களுக்குக் கிடைப்பது இல்லை என்பது தான் தற்போதைய பிரச்சனை.

பணக்காரர்கள் மீதான வரி

அமெரிக்காவில் பணக்காரர்கள் மீது தனிப்பட்ட வருமான வரி விதிக்க வேண்டும் என்று குடியரசு கட்சியின் செனேட்டர் Elizabeth Warren ஏற்கனவே நாடாளுமன்றத்தில் தெரிவித்துள்ளார். இதுமட்டும் அல்லாமல் அமெரிக்கப் பணக்காரர்களின் வரி கணக்கீட்டு முறையில் மாற்றங்களைக் கொண்டு வர வேண்டும் என்றும் ஆலோசனை நடைபெற்று வருகிறது.