பங்குச்சந்தையில் அவ்வப்போது ஐபிஓ வெளியிடப்படும் என்பதும் நல்ல நிறுவனங்களின் ஐபிஓக்களை வாங்குவதற்கு முதலீட்டாளர்கள் போட்டி போடுவார்கள் என்பது தெரிந்ததே.
எல்ஐசி நிறுவனத்தின் ஐபிஓ முதலீட்டாளர்களுக்கு நஷ்டத்தை கொடுத்தாலும் மற்ற தனியார் நிறுவனங்களின் ஐபிஓக்கள் நல்ல லாபத்தை கொடுத்து வருகின்றன.
அந்த வகையில் அடுத்த வாரம் நான்கு நிறுவனங்கள் ஐபிஓ வெளியிடப் போவதாக தகவல்கள் வெளியாகியுள்ளன. அந்த நிறுவனங்கள் குறித்து தற்போது பார்ப்போம்.
4 புதிய ஐபிஓக்கள்
அடுத்த வாரம் பங்குச்சந்தையில் நான்கு ஐபிஓக்கள் அறிமுகம் செய்யப்படவுள்ளன. அவை ஆர்க்கியன் கெமிக்கல்ஸ் இண்டஸ்ட்ரீஸ் லிமிடெட், ஃபைவ் ஸ்டார் பிசினஸ் ஃபைனான்ஸ் லிமிடெட், கெய்ன்ஸ் டெக்னாலஜி இந்தியா மற்றும் ஐநாக்ஸ் கிரீன் எனர்ஜி சர்வீசஸ் லிமிடெட் ஆகியவை ஆகும். இந்த நிறுவனங்கள் பங்குச்சந்தைகளில் சுமார் ரூ.5,020 கோடி திரட்டும் என எதிர்பார்க்கப்படுகிறது.
ஐபிஓ தேதி
ஆர்க்கியன் கெமிக்கல்ஸ், ஃபைவ் ஸ்டார் பிசினஸ் ஆகிய இரண்டும் நவம்பர் 9 ஆம் தேதி ஐபிஓ தொடங்கி நவம்பர் 11 ஆம் தேதி முடிவடையும், அதேபோல் கெய்ன்ஸ் டெக்னாலஜி இந்தியா லிமிடெட்டின் ஐபிஓ நவம்பர் 10 ஆம் தேதி தொடங்கி ஐபிஓ நவம்பர்14 ஆம் தேதி முடிவடையும் என்றும், ஐநாக்ஸ் எனர்ஜி சர்வீசஸ் லிமிடெட் ஐபிஓ நவம்பர் 11 ஆம் தேதி தொடங்கி நவம்பர் 15 ஆம் தேதி முடிவடையும் என்றும் அறிவிக்கப்பட்டுள்ளது.
ஆர்க்கியன் கெமிக்கல்ஸ்
ஆர்க்கியன் கெமிக்கல்ஸ் நிறுவனம் ஐபிஓ மூலம் சுமார் ரூ.1,462 கோடியை திரட்ட திட்டமிட்டுள்ளது. இந்நிறுவனத்தின் ஐபிஓ விலை ரூ.386-407 என நிர்ணயம் செய்யப்பட்டுள்ளது.
ஃபைவ் ஸ்டார் பிசினஸ் ஃபைனான்ஸ்
ஃபைவ் ஸ்டார் பிசினஸ் ஃபைனான்ஸ் ஐபிஓ மூலம் ரூ.1,960 கோடியை திரட்ட திட்டமிட்டுள்ளது. இந்நிறுவனத்தின் ஐபிஓ விலை 450-474 ரூபாய் என நிர்ணயம் செய்யப்பட்டுள்ளது.
கெய்ன்ஸ் டெக்னாலஜி
கெய்ன்ஸ் டெக்னாலஜி மூலம் சுமார் ரூ.856 கோடியை திரட்டும் என எதிர்பார்க்கப்படுகிறது. இந்நிறுவனத்தின் ஐபிஓ விலை ரூ.559-587 என நிர்ணயம் செய்யப்பட்டுள்ளது.
ஐநாக்ஸ் கிரீன் எனர்ஜி சர்வீசஸ் லிமிடெட்
ஐநாக்ஸ் கிரீன் எனர்ஜி சர்வீசஸ் லிமிடெட் நிறுவனம் ஐபிஓ மூலம் ரூ.740 கோடி திரட்ட திட்டமிட்டுள்ளது. இந்த ஐபிஓ ரூ.370 கோடிக்கு புதிய வெளியீடு மற்றும் ரூ.370 கோடி வரை விற்பனைக்கான சலுகை ஆகியவற்றைக் கொண்டுள்ளது என்பது குறிப்பிடத்தக்கது.