11 மாதங்களில் இல்லாத அளவுக்கு மோசமான சரிவில் தொழிற்துறை.. என்ன காரணம்.. ஏன் இந்த சரிவு..!

ஜூன் மாதத்தில் மோசமான சரிவு

லாக்டவுனினால் தொழிற்துறையில் மோசமான சரிவினைக் கண்டுள்ளது. மக்கள் பல லட்சம் பேர் வேலையினையும் இழந்துள்ளனர். இதனால் தேவையும் சரிவினையும் கண்டுள்ளது. இந்த நிலையில் தான் தொழிற்துறை குறித்தான குறியீடும் சரிவில் உள்ளது.
கடந்த ஜூன் மாதத்தில் இந்த PMI விகிதம் 11 மாதத்தில் இல்லாத அளவு 48.1 ஆக குறைந்துள்ளது. இந்த வளர்ச்சி விகிதமானது கடந்த மே மாதத்தில் 50.8% ஆக இருந்தது குறிப்பிடத்தக்கது.

இனி அதிகரிக்கலாம்

எனினும் தற்போது நாட்டில் கொரோனாவின் தாக்கம் இருந்து வந்தாலும், குறையத் தொடங்கியுள்ளது. பல நகரங்களிலும் லாக்டவுனில் தளர்வுகள் அளிக்கப்பட்டுள்ளன. இதன் காரணமாக தொழில் துறையின் தேவையும் அதிகரிக்க தொடங்கியுள்ளது. இதனால் இனி உற்பத்தியும் அதிகரிக்கலாம் என எதிர்பார்க்கபப்டுகிறது.

மூலதன பொருட்கள் விலை அதிகரிப்பு

நிக்கி மார்கிட் இந்தியா அமைப்பு வெளியிட்ட உற்பத்தி குறித்தான பிஎம்ஐ குறியீட்டில், கடந்த ஜூன் மாதத்தில் மூலதன பொருட்களின் விலை ஏற்றத்தின் மத்தியில், உற்பத்தி ஒரு கூர்மையான சரிவினைக் கண்டது. தேவையும் ஜூன் மாதத்தில் மோசமான சரிவினைக் கண்டுள்ளது.

வளர்ச்சி கணிப்பு

எனினும் இனி வரும் மாதங்களில் கணிசமான வளர்ச்சி இருக்கலாம் என்றும் எதிர்பார்க்கப்படுகிறது. எப்படியிருப்பினும் இந்தியாவின் வளர்ச்சி விகிதம் நடப்பு நிதியாண்டில் முன்னதாக 10.5% வளர்ச்சி காணலாம் என்று மதிப்பிடப்பட்ட நிலையில், தற்போது அதனை 9.5% ஆக குறைத்துள்ளது.
இதற்கிடையில் தற்போதைக்கு வட்டி அதிகரிப்பும் இருக்காது என எதிர்பார்க்கப்படுகிறது. இது வளர்ச்சி உந்துதலாக இருக்கலாம் என எதிர்பார்க்கப்படுகிறது.

மெதுவான வேகத்தில் வளர்ச்சி

இந்தியா உற்பத்தியாளர்கள் தற்போது லாக்டவுனுக்கு முன்பு இருந்ததை விட, கணிசமான அளவில், மெதுவான வேகத்தில் வளர்ச்சி கண்டு வருகின்றனர். குறிப்பாக ஏற்றுமதி ஆர்டர்கள், மற்ற தொழில்துறை குறித்தான குறியீடுகள் என அனைத்தும் மெதுவான வேகத்தில் வளர்ச்சி பாதையில் காணப்படுகின்றன. இது உலகளவில் குறைவான தேவை உள்ளதையே காட்டுகிறது. எனினும் தேவை மெதுவான வேகத்தில் அதிகரித்து வருகின்றது. ஆக இனி வரும் மாதங்களில் இந்த குறியீடு இன்னும் வளர்ச்சி காணலாம் என்றும் எதிர்பார்க்கப்படுகிறது.