ரிலையன்ஸ் இண்டஸ்ட்ரீஸ்-ஐ ஓரம்கட்டிய அரசு நிறுவனம்.. முகேஷ் அம்பானி சோகம்..!

ஸ்டேட் பாங்க் ஆஃப் இந்தியா

ஸ்டேட் பாங்க் ஆஃப் இந்தியா-வின் நிகர வட்டி வருமானம் (NII) கடந்த ஆண்டின் செப்டம்பர் காலாண்டில் ரூ.31,184 கோடி ரூபாயாக இருந்த நிலையில் தற்போது 13 சதவீதம் அதிகரித்து ரூ.35,183 கோடி ரூபாயாக உயர்ந்துள்ளது.

செயல்படாத சொத்துக்கள்

இந்திய வங்கியின் மிகப்பெரிய பிரச்சனையாக விளங்கும் மொத்தச் செயல்படாத சொத்துக்கள் ஒரு வருடத்திற்கு முன்பு 4.90 சதவீதமாக இருந்த நிலையில், செப்டம்பர் 30, 2023 வரையில் முடிந்த காலாண்டில் மொத்தச் செயல்படாத சொத்துக்களின் (NPAs) அளவு 3.52 சதவீதமாகக் குறைந்துள்ளதால், ஸ்டேட் பாங்க்-ன் சொத்துத் தரம் மேம்பட்டுள்ளது.

எஸ்பிஐ குரூப் மொத்த வருவாய்

செப்டம்பர் காலாண்டில் எஸ்பிஐ குரூப் மொத்த வருவாய் ரூ.1,14,782 கோடியாக உயர்ந்துள்ளது, இது முந்தைய ஆண்டின் இதே காலாண்டில் ரூ.1,01,143.26 கோடியாக இருந்தது குறிப்பிடத்தக்கது.

எஸ்பிஐ - ரிலையன்ஸ்

ஸ்டேட் பேங்க் ஆப் இந்தியா வங்கி, 2023 ஆம் நிதியாண்டின் செப்டம்பர் காலாண்டில் 14,752 கோடி ரூபாய் அளவிலான தொகையை ஒருங்கிணைந்த நிகர லாபமாகப் பெற்றுள்ளது. இதன் மூலம் நாட்டின் அதிக லாபம் ஈட்டும் நிறுவனமாக உயர்ந்துள்ளது எஸ்பிஐ, இதன் வாயிலாக முதல் இடத்தில் இருந்த முகேஷ் அம்பானி-யின் ரிலையன்ஸ் இண்டஸ்ட்ரீஸ் நிறுவனம் 13,656 கோடி ரூபாய் நிகர லாபத்துடன் 2வது இடத்திற்குத் தள்ளப்பட்டு உள்ளது.

windfall tax மூலம் பாதிப்பு

ரிலையன்ஸ் இண்டஸ்ட்ரீஸ் பல தசாப்தங்களாக அதிக லாபம் ஈட்டும் இந்திய நிறுவனமாக இருந்தது, இக்காலாண்டில் ரிலையன்ஸ் அதன் ஏரிபொருள் ஏற்றுமதியின் மீதான windfall tax மூலம் 4,039 கோடி ரூபாய் அளவிலான பாதிப்பை எதிர்கொண்டது.

ரிலையன்ஸ் இண்டஸ்ட்ரீஸ்

ரிலையன்ஸ் இண்டஸ்ட்ரீஸ் இன் நிகர வருமானத்தில் ஜியோ பிளாட்ஃபார்ம்ஸ் மூலம் 4,729 கோடி ரூபாயும், ரீடைல் வர்த்தகத்தில் இருந்து 4,404 கோடி ரூபாயும் பெற்றுள்ளது. எப்படிப் பார்த்தாலும் ரிலையன்ஸ் இண்டஸ்ட்ரீஸ் இக்காலாண்டில் கடந்த ஆண்டு அளவான 13,680 கோடி ரூபாயை விடவும் குறைவானது.

அரையாண்டு அளவு

அரையாண்டு அடிப்படையில், எஸ்பிஐயின் 22,077 கோடி ரூபாய் லாபத்தை ஒப்பிடும் போது முகேஷ் அம்பானியின் ரிலையன்ஸ் இண்டஸ்ட்ரீஸ் 31,611 கோடி ரூபாய் உடன் அதிக லாபம் ஈட்டும் நிறுவனமாக உள்ளது.

முகேஷ் அம்பானி முந்தினார்

இதேபோல், அரையாண்டு வருமான அடிப்படையில், முகேஷ் அம்பானியின் ரிலையன்ஸ் இண்டஸ்ட்ரீஸ் 2023 ஆம் நிதியாண்டின் முதல் அரையாண்டில் மொத்த வருவாய் 2,53,497 கோடி ரூபாய் உடன் முன்னணியில் உள்ளது. இதே காலகட்டத்தில் ஸ்டேட் பாங்க் ஆப் இந்தியா 1,14,782 கோடி ரூபாயாக உள்ளது.