2 நாள் தான் கெடு! 31 ஜூலை-க்குள்ள இதை எல்லாம் மிஸ் பண்ணாம செஞ்சிருங்க! #IncomeTax

2019 - 20 வரி செலுத்துதல்

2019 - 20 நிதி ஆண்டு காலத்துக்கு, நாமே கணக்கிட்டுச் செலுத்தும் வரி (Sef Asessment Tax) யாருக்காவது 1 லட்சம் ரூபாய்க்கு மேல் இருந்தால், அவர்கள், தங்களின் மொத்த Sef Asessment Tax தொகையையும் 31 ஜூலை 2020-க்குள் செலுத்தி விட வேண்டும். இல்லை என்றால், செலுத்த வேண்டிய வரி தொகைக்கு, மாதம் 1 சதவிகிதம் வட்டியையும் சேர்த்து செலுத்த வேண்டி இருக்கும்.

2018 - 19 வரி தாக்கல்

நிதி ஆண்டு 2018 - 19 கால கட்டத்தில் சம்பாதித்த பணத்துக்கு, 31 மார்ச் 2020-க்குள் வருமான வரிப் படிவங்களைச் சமர்பிக்க வேண்டும். ஆனால் கொரோனா வைரஸ் பிரச்சனை வந்ததால், 31 ஜூலை 2020 வரை காலக் கெடுவை நீட்டித்து இருக்கிறது அரசு.

 

எப்போதுமே முடியாது பாத்துக்குங்க

யாராவது 2018 - 19 நிதி ஆண்டுக்கு இன்னமும் வருமான வரிப் படிவத்தை சமர்பிக்கவில்லை என்றால், அடுத்த 2 நாட்களுக்குள் சரியாக வரிப் படிவங்களை நிரப்பி சமர்பித்துவிடுங்கள். 2018 - 19 நிதி ஆண்டுக்கான வருமான வரிப் படிவத்தை, இப்போது இந்த 2 நாட்களுக்குள் நீங்கள் சமர்பிக்கவில்லை என்றால், இனி எப்போதும் சமர்பிக்க முடியாது.

திருத்தப்பட்ட வரிப் படிவம் 2018 - 19

2018 - 19 நிதி ஆண்டுக்கான வருமான வரிப் படிவத்தை நிரப்பி சமர்பித்துவிட்டீர்கள். ஆனால் அதில் தவறு இருப்பது தெரிய வருகிறது. ஆக 2018 - 19 நிதி ஆண்டுக்கு, புதிதாக திருத்தப்பட்ட வருமான வரிப் படிவத்தை சமர்பிக்க 31 ஜூலை 2020 தான் கடைசி தேதி. இந்த வாய்ப்பை தவறவிட்டால் அதன் பின், 2018 - 19 நிதி ஆண்டுக்கு திருத்தப்பட்ட வருமான வரிப் படிவத்தை சமர்பிக்க வாய்ப்பு கிடைக்காது.

வரிக் கழிவுகள் & சலுகைகள்

லைஃப் இன்சூரன்ஸ், ஹெல்த் இன்சூரன்ஸ், இ எல் எஸ் எஸ் மியூச்சுவல் ஃபண்ட் முதலீடுகள், தேசிய சேமிப்புப் பத்திரம், கிஷான் விகாஸ் பத்திரம்... என பல வரிக் கழிவு பெறும் முதலீடுகளில் இருக்கின்றன. 2019 - 20 நிதி ஆண்டில் நீங்கள் வரிக் கழிவு பெற ஏதாவது முதலீடுகளைச் செய்ய வேண்டும் என்றால் அதற்கான கடைசி தேதி 31 ஜூலை 2020.

சிறு சேமிப்புத் திட்டங்கள்

அஞ்சலக ஆர்டி திட்டங்களில், மாதா மாதம் பணம் செலுத்துபவர்கள், மார்ச், ஏப்ரல், மே, ஜூன் ஆகிய மாதங்களுக்கான தவணைகளை 31 ஜூலை 2020-க்குள் எந்த வித கூடுதல் கட்டணங்களும் இன்றி செலுத்தலாம்.
25 மார்ச் 2020 முதல் 30 ஜூன் 2020-க்குள் 10 வயதை அடைந்த பெண் குழந்தைகளுக்கான சுகன்யா சம்ரிதி யோஜனா திட்டக் கணக்கை 31 ஜூலை 2020-க்குள் தொடங்கலாம்.

டிடிஎஸ் & டிசிஎஸ் வரிகள்

வருமான வரித் துறையினரிடம், டிடிஎஸ் மற்றும் டிசிஎஸ் தொடர்பான ஸ்டேட்மெண்ட்களைச் சமர்பிக்க 31 ஜூலை 2020 தான் கடைசி தேதி. ஆக டிடிஎஸ் பிடித்தம் செய்து இருப்பவர்கள் அல்லது டிசிஎஸ் பிடித்தம் செய்து இருப்பவர்கள் இந்த 31 ஜூலைக்குள் ஸ்டேட்மெண்டை சமர்பிக்கவும்.