அவசர தேவைக்கு நகைக்கடன்.. எஸ்பிஐயில் யார் யார் பெற முடியும்.. வட்டி விகிதம் எவ்வளவு? #Gold loan

தங்க நகை கடன்

இந்தியாவின் மிகப்பெரிய கடன் வழங்குனரான ஸ்டேட் பேங்க் ஆப் இந்தியாவும் தங்க நகைக்கடன்களை வழங்கி வருகின்றது. தங்க ஆபரணங்கள் மற்றும் காயின்கள் ஆகியவற்றையும் நீங்கள் இங்கு அடகு வைத்துக் கடன் பெற முடியும். அதுவும் குறைந்த வட்டி விகிதத்தில் பெற முடியும். எல்லாவற்றுக்கும் மேலாக குறைந்த ஆவணங்களை கொடுத்து பெற்றுக் கொள்ளலாம்.

எவ்வளவு வட்டி விகிதம்

நாட்டின் மிகப்பெரிய கடன் வழங்குனரான இந்த வங்கியில் நகைக்கடனுக்கு வட்டி விகிதம் 7.50% ஆகும். இதே இங்கு செயல்பாட்டுக் கட்டணம் என்பது பூஜ்ஜிய கட்டணமாகும். இது தவிர இன்னும் பல சலுகைகளும் வழங்கப்படுகிறது. இதனை பற்றிய விவரங்களுக்கு 7208933143 என்ற எண்ணுக்கு மிஸ்டு கால் கொடுத்தும், இதே 7208933145 என்ற எண்ணுக்கு GOLD என்றும் மேசேஜ் அனுப்பியும் விவரங்களை தெரிந்து கொள்ளலாம்.

 

யார் யார் பெற முடியும்?

எஸ்பிஐயில் இந்த நகை கடனை குறைந்தபட்சம் 18 வயதுக்கு மேற்பட்ட யார் வேண்டுமானாலும் பெற்றும் கொள்ளலாம். இங்கு குறைந்தபட்சம் 20,000 ரூபாயில் இருந்து அதிகபட்சமாக 50 லட்சம் ரூபாய் வரையில் பெற்றுக் கொள்ள முடியும். செயல்பாட்டு கட்டணம் என்பது யோனோ வழியாக அப்ளை செய்பவர்களுக்கு இல்லை. எனினும் மற்றவற்றவர்களுக்கு கடன் தொகையில் 0.25% மற்றும் குறைந்தபட்சம் ஜிஎஸ்டி 250 ரூபாயாகும்.

என்னென்ன நகைக்கடன்

திரும்ப செலுத்தும் காலம் 36 மாதம் வரை அவகாசம் கொடுக்கப்படுகிறது. இது gold loan, liquid gold loan, bullet repayment gold loan என்ற மூன்று வகையில் பெற முடியும். இதே Realty Gold Loan என்ற கடனை எஸ்பிஐ ஹவுஸிங் லோன் வாடிக்கையாளர்கள் பெற்றுக் கொள்ள முடியும். இதற்காக நீங்கள் உங்களது இரண்டு போட்டோக்கள், அடையாள அட்டை மற்றும் முகவரி அட்டை உள்ளிட்டவற்றை கொடுக்க வேண்டியிருக்கும்.