நிஃப்டி என்றால் என்ன தெரியுமா?

By Super
Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

நிஃப்டி என்றால் என்ன தெரியுமா?
சென்னை: எஸ் அன்ட் பி சிஎன்எக்ஸ் நிஃப்டி அல்லது அனைவருக்கும் தெரிந்த நிஃப்டி என்பது இந்தியாவில் உள்ள தேசிய பங்குச் சந்தையில் பட்டியலிடப்பட்டுள்ள பிரபலமான 50 கம்பெனிகளுடைய பங்குகளின் இன்டெக்ஸ் ஆகும்.

 

(Spot gold rates on April 29 in major cities)

மும்பை பங்குச் சந்தையின் (பி.எஸ்.இ.) இன்டெக்ஸ் சென்செக்ஸ் என்று அழைக்கப்படுவது போல் தேசிய பங்குச் சந்தையின் (என்.எஸ்.இ.) இன்டெக்ஸ் நிஃப்டி என்று அழைக்கப்படுகிறது. மும்பை பங்குச் சந்தையில் பட்டியலிடப்பட்டுள்ள நிறுவனங்களில் இருந்து வெவ்வேறு காரணிகளின் அடிப்படையில் முதல் 30 நிறுவனங்களின் பங்குகளுக்கான இன்டெக்ஸ் உருவாக்கப்பட்டு சென்செக்ஸ் என்று அழைக்கப்படுகிறது. இதே போல் தேசிய பங்குச் சந்தையில் பட்டியலிடப்பட்டுள்ள நிறுவனங்களிலிருந்து வெவ்வேறு காரணிகளின் அடிப்படையில் முதல் 50 நிறுவனங்களின் பங்குகளுக்கான இன்டெக்ஸ் உருவாக்கப்பட்டு நிஃப்டி என்று அழைக்கப்படுகிறது.

ரிலையன்ஸ் இன்டஸ்ட்ரீஸ், ஐ.டி.சி., ஹெச்.டி.எஃப்.சி., ஹெச்.டி.எஃப்.சி. வங்கி, ஐ.சி.ஐ.சி.ஐ. வங்கி, பாரத ஸ்டேட் வங்கி, லார்ஸன் அன்ட் டூப்ரோ, இன்ஃபோசிஸ், டாடா கன்சல்டன்ஸி சர்வீசஸ், டாடா மோட்டார்ஸ் போன்றவை நிஃப்டியில் அங்கம் வகிக்கும் 50 நிறுவனங்களில் சில நிறுவனங்களின் பங்குகள் ஆகும்.

நிஃப்டியில் உள்ள நிறுவனங்கள் தொழில்துறையில் வெவ்வேறு பிரிவுகளைச் சார்ந்தவை. இரும்பு எஃகு, சிமெண்ட், தொழில்நுட்பம், வாகன உற்பத்தி, வங்கியியல், தொலைத்தொடர்பு, பெட்ரோலியம் எரிவாயு, உள்கட்டமைப்பு, மருந்துத் தயாரிப்பு உள்ளிட்ட பல்வேறு பிரிவுகளைச் சேர்ந்த நிறுவனங்கள் நிஃப்டியில் அங்கம் வகிக்கின்றன. தேசிய பங்குச் சந்தை மற்றும் இந்திய தர மதிப்பீடு மற்றும் தகவல் சேவை நிறுவனம் ஆகியவை இணைந்து நடத்தும் ஐஐஎஸ்எல் எனப்படும் இந்தியா இன்டெக்ஸ் சர்வீசஸ் அன்ட் ப்ராடெக்ட்ஸ் லிமிடெட் தான் நிஃப்டியினை நிர்வகிக்கும் உரிமையாளர்.

நிஃப்டி அவ்வப்போது மற்றங்களுக்கு உட்பட்டுக் கொண்டுள்ளது. சில பங்குகள் நிஃப்டியில் சேர்க்கப்படுவதும், சில பங்குகள் நீக்கப்படுவதும் நடைபெறுகின்றன. உதாரணமாக, அண்மையில் நிஃப்டியிலிருந்து விப்ரோ நிறுவனம் நீக்கப்பட்டு என்.எம்.டி.சி. சேர்க்கப்பட்டது. அதேபோல், சீமென்ஸ் நீக்கப்பட்டு இன்டஸ் இன்ட் வங்கி சேர்க்கப்பட்டுள்ளது. தேசிய பங்குச் சந்தையின் நிஃப்டியானது, நாள்தோறும் ஏறி இறங்கி தற்போது 5800 புள்ளிகளில் வர்த்தகமாகிக் கொண்டுள்ளது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

What is Nifty or S&P CNX Nifty? | நிஃப்டி என்றால் என்ன தெரியுமா?

The S&P CNX Nifty or more popularly the Nifty is a stock market index of the National Stock Exchange and comprises of 50 stocks that form the index.
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X