சிகரெட் உற்பத்தியில் சீனா முதல் இடம்.. இந்தியா 3வது இடம்..!

மாயான் இந்தியர்கள்

புகையிலைக்குப் பன்னெடுங்கால வரலாறு உண்டு. மாயான் இந்தியர்கள் இதனை உபயோகித்ததற்கான ஆதாரங்கள் ஓவியங்களாக மெக்சிகோவில் இன்றளவும் காணப்படுகின்றன. சரி உலகில் அதிகளவில் புகையிலை பொருட்களைத் தயாரிக்கும் நாட்களைப் பார்ப்போம் வாங்க.

8. அர்ஜென்டினா

1,15,334 டன்கள்

உலகிலேயே அதிகம் புகையிலையை உற்பத்தி செய்வது மட்டுமல்ல உபயோகிக்கவும் செய்யும் நாடு அர்ஜென்டினா. புகையிலை பொருட்களின் உற்பத்தியில் மிகப்பெரிய வர்த்தக்தை அர்ஜென்டினா பெற்றாலும் துரதிருஷ்டவசமாகப் புகையிலை உபயோகம் மூலம் இந்நாட்டின் உயிரிழப்புகளின் இரண்டாவது பெரிய காரணமாக உள்ளது.

இதை எதிர்கொள்ளச் சிகரெட்டுகளின் விலைகளை உயர்த்தியும் அதன் உபயோகத்தினால் வரும் ஆரோக்கியப் பிரச்சனைகளையும் பற்றிய விழிப்புணர்வை ஏற்படுத்துவதன் மூலமாகவும் முயற்சிகள் மேற்கொள்ளப்பட்டு வருகின்றன. ஆனால் இதுவரை குறிப்பிடத்தக்க எந்த முன்னேற்றமும் தென்படவில்லை.

7. மலாவி (Malawi)

1,32,849 டன்கள்

மலாவியில் புகையிலை உற்பத்தி ஏறக்குறைய சுமார் ஒரு நூற்றாண்டாக நடந்துவருகிறது. 1970களில் மிக அதிக அளவு வளர்ச்சி காணப்பட்டது. அன்று முதல் மலாவி அதன் மிகப்பெரும் புகையிலைத் தொழிற்துறைக்குப் பெயர் பெற்றுவிட்டது.

ஒரு பெரும் வருவாயை ஈட்டித் தருவதால் மலாவியின் தொழிற்துறைக்குப் புகையிலை பொருட்கள் உற்பத்தி முதுகெலும்பாக உள்ளது. மேற்கத்திய நாடுகளில் புகையிலைத் தொழில்கள் குறைந்த போது உலகின் மிகப் பிரபலமான கேமல் மற்றும் மால்போரோ போன்ற சிகரெட் பிராண்டுகள் ஆகியவை மலாவியில் விளையும் மற்றும் உற்பத்தியாகும் புகையிலையின் மீது கவனத்தைத் திருப்பின. மலாவி புகையிலை உயர் நிகோடின் அளவிற்குப் பெயர் பெற்றது.

6. ஜிம்பாப்வே

1,50,000 டன்கள்

ஜிம்பாப்வே புகையிலை விளைச்சலுக்கு உகந்த தட்பவெப்ப நிலையைக் கொண்டுள்ள நாடு. அதனால் தான் இங்கு விளையும் புகையிலை தரம் உயர்ந்ததாகக் கடந்த சில வருடங்களுக்கு முன்பு வரை கருதப்பட்டு வந்தது.

ஜிம்பாப்வே தகவல்கள் படி புதிய விவசாயிகளின் அனுபவ குறைவால் எவ்வாறு இதனைச் சாகுபடி செய்வது என்று அறியாததால் அதன் தரம் குறைந்து விட்டதாகத் தெரிகிறது. அவர்கள் இதனைப் புரிந்து தரத்தை உயர்த்த முயற்சி மேற்கொண்டால் மிகப்பெரிய ஜிம்பாப்வேயின் புகையிலை வர்த்தகத்திற்கு உதவியாகவும் இருக்கும். இது நாட்டிற்குப் பெரும் வருவாயினையும் வேலை வாய்ப்பினையும் வழங்குகிறது.

5. இந்தோனேசியா

2,60,200 டன்கள்

சில வருடங்களுக்கு முன்பு வரை இந்தோனேசியா புகையிலைத் தொழில்துறை அதன் சந்தைப்படுத்துதல், உற்பத்தி, விற்பனை மற்றும் உபயோகம் அவ்வளவாகக் கட்டுப்படுத்தப்படவில்லை. அதனால் குடாங் கரம், ஜாரும் மற்றும் சாம்போமா ஆகிய மூன்று நிறுவனங்கள் இந்தோனேசியா புகையிலைத் துறையையே ஆட்டுவித்தன.

புதிய புகையிலை கொள்கைகளும் விதிமுறைகளும் தற்போது வந்துவிட்டதால் இந்த நிறுவனங்கள் பெருமளவு மாற்றங்களைச் சந்திக்க வேண்டிவந்தது. புகையிலை உற்பத்தியைப் பாதித்த மற்றொரு காரணம் விவசாயிகள் பனை எண்ணை மரங்கள் சாகுபடிக்கு மாறியது. இது உற்பத்தி குறையக் காரணமானது. ஆனால் தற்போதைய தகவல்கள் படி புகையிலை சாகுபடி மறுபடியும் இவ்வருடம் புத்துயிர் பெறும் எனக் கணிக்கப்பட்டுள்ளது.

4. அமெரிக்கா

3,45,837 டன்கள்

அதிகம் புகையிலையை உற்பத்தி செய்யும் நாடுகளின் பட்டியலில் நான்காவது இடத்தைப் பெருமையுடன் பிடித்துள்ள நாடு அமெரிக்கா. தற்போதுள்ள புகையிலை, பயிர் அளவை விட 30 வருடங்களுக்கு முன் அதிகம் இருந்திருந்தாலும், தற்போதும் புகையிலை உற்பத்தி செய்யும் நாடுகளில் நான்காவது இடத்தைத் தக்கவைத்துக் கொண்டுள்ளது. வட கரோலினா, கென்சுகி மற்றும் வர்ஜீனியா ஆகிய மாகாணங்கள் புகையிலை உற்பத்தியில் முன்னிலை வகிக்கின்றன.

3. இந்தியா

8,30,000 டன்கள்

இந்தியப் புகையிலை அதன் உயர்தர மணத்திற்குப் புகழ் பெற்றது. இந்த அளவிற்கு அதிக உற்பத்தி இருப்பதால் உலகெங்கும் சுமார் 100 நாடுகளுக்கு ஏற்றுமதி செய்வதில் ஆச்சரியமில்லை.

ஆனால், கடந்த சில வருடங்களாகப் புகையிலை உற்பத்தி சரிவைச் சந்தித்துள்ளது. முக்கியமாக ஆரோக்கியக் காரணங்களுக்காக அரசு இதன் உற்பத்தியைக் குறைக்க எடுத்துள்ள முடிவு இதற்குக் காரணமாக உள்ளது. பெரு நிறுவனங்களின் மூடல், வறட்சி மற்றும் புகையிலைக்குக் கிடைக்கும் குறைந்த விலை ஆகியவை இந்தியாவில் பெருமளவு புகையிலை விவசாயிகளின் தற்கொலைகளுக்குக் காரணமாக உள்ளது.

2. பிரேசில்

8,50,673 டன்கள்

கடந்த சில வருடங்களாகப் பிரேசில் புகையிலை உற்பத்தியில் நல்ல வளர்ச்சியடைந்திருந்தாலும் கூடிய விரைவில் இந்த நிலை மாறலாம். இங்கும் இந்தியாவைப் போல் புதிய ஆரோக்கியக் கொள்கைகள் மற்றும் விதிமுறைகள் புகையிலை உற்பத்தியின் போக்கை மாற்றலாம். புகையிலை தொழில் பிரேசிலின் பொருளாதாரத்திற்கு முக்கிய ஒன்று என்றாலும் இந்த நிலையைத் தவிர்க்க இயலாது.

1. சீனா

31,48,574 டன்கள் (அடேங்கப்பா...)

இறுதியாக உலகில் மிக அதிகமான அளவு புகையிலையை உற்பத்தி செய்வது சீனா. இந்தப் பட்டியலிலுள்ள அனைத்து நாடுகளின் உற்பத்தியைக் கூட்டினாலும் இதனை ஈடு செய்ய இயலாத அளவிற்கு இதன் உற்பத்தி மிக அதிக அளவாகும். எனவே இயற்கையாகவே இந்தப் பட்டியலிலுள்ள எந்த ஒரு நாடும் சீனாவின் இடத்தைப் பிடிக்க இயலாது என்பது உணர்ந்துகொள்ளக் கூடியதே.

உற்பத்தி அளவுகள்

இக்கட்டுரையில் குறிப்பிடப்பட்டுள்ள உற்பத்தி அளவுகள் அனைத்தும் 2013ஆம் ஆண்டை மையமாக வைத்து நாடுகளை வரிசைப்படுத்தப்பட்டுள்ளது.

புகைபிடிப்பதற்கும் வரி..