வைக்கோல் படுக்கை

வைக்கோலைத் துண்டு துண்டாக வெட்டிக்கொள்ள வேண்டும். பின்னர் அதை 5 மணி நேரம் ஊற வைத்து, நீராவி மூலம் அவித்து, தொற்று நீக்கம் செய்ய வேண்டும். இதன் பின்னர் பாலித்தீன் பைகளைக் கொண்டு தொற்று நீக்கப்பட்ட வைக்கோல்களை படுக்கை போலத் தூவி, அதன் ஒவ்வொரு சுற்றிலும் காளான் விதைகளைத் தூவவேண்டும்.

அதிகப்படியான ஈரப்பதம் வேண்டும்

இப்படிச் சுமார் முக்கால் அடி உயரத்துக்குக் காளான் படுக்கை தயாரித்து, அதன் இடைவெளிகளில் ஊசியால் துளையிட வேண்டும். பின்னர் காளானுக்காக அமைக்கப்படும் குடில்களில் வைத்துப் பராமரிக்க வேண்டும். அவ்வாறு பராமரிக்கும்போது அந்தக் குடிலின் வெப்பநிலை சுமார் 20 முதல் 27 டிகிரி வரையிலும், அதன் ஈரப்பதம் 80 முதல் 90 சதவிகிதமாகவும் இருக்க வேண்டும்.

20- வது நாள் அறுவடை தொடங்கும்

காலை மாலை இரு வேளை களிலும் அரைமணி நேரம் மங்கிய வெளிச்சத்தை காளான் குடில்களில் ஏற்படுத்த வேண்டும். காளான் படுக்கை போட்ட 20-வது நாளிலிருந்து அறுவடை தொடங்கிவிடும். ஒரு காளான் படுக்கையில் 3 முறை அறுவடை செய்யமுடியும். இவ்வாறு அறுவடை செய்யப்படும் காளான் பாக்கெட்களில் 200கிராம் அளவிற்கு பாக்கெட் செய்து கடைகளுக்கு அனுப்ப படும்

ஒரு படுக்கைக்கு 1கிலோ அறுவடை செய்யலாம்

ஒரு படுக்கையிலிருந்து 1 கிலோ வரை அறுவடை செய்யலாம். இதன் ஆயுட்காலம் 45 நாட்கள் ஆகும். இதற்காகப் பயன் படுத்தப்பட்டுத் தூக்கி எறியப்படும் வைக்கோல் படுக்கைகளைப் பின்னர் இயற்கை உரமாகப் பயன்படுத்த முடியும்.