முதலாளி

1. உங்க முதலாளி எப்படி..? என ரோலோ கேட்கிறார்
"அவுக நம்ம ஐயா (அப்பா) மாதிரிங்க, நம்ம குடும்பத்துல ஒருத்தவுக. நமக்கு என்ன சங்கடம்ன்னாலும் அவர் கிட்ட தைரியமா சொல்லலாம். அதுக்கு மேல அவுக பாத்துப்பாக" என திருநெல்வேலி மணத்தில் பேசுகிறார் ஒரு ஊழியர்.
2. அவர் சொந்த ஊருக்கு போக தனியா விடுமுறை பணம்...
முடிப்பதற்குள் ஊழியர் பேசத் தொடங்குகிறார் "ஆமாங்க, அண்ணாச்சி பெறந்த ஊர் தூத்துக்குடி பக்கம் புன்னையாடிங்குற கிராமம் தான். ஒவ்வொரு வருஷமும் அண்ணாச்சியோட சொந்த ஊருக்கு போக வர கம்பெனிலருந்து காசு கொடுப்பாக" என்கிறார்.

மரியாதை

3. உங்கள் முதலாளியின் ஊரில் அவருக்கான மரியாதை எப்படி..?
"என்னங்க இப்புடி கேட்டுப்புட்டீங்க..? நான் புன்னையாடிக்கு போறப்ப எல்லாம், ஊர் சனங்க அண்ணாச்சி மேல வெச்சிருக்குற அன்பையும் மரியாதையையும் கண் முன்ன பாக்க முடியுமுங்க" என்கிறார் ஊழியர்.
4. உங்களுக்கு நிறைய சலுகைகள் தருவதாகச் சொல்கிறார்களே..? என ரோலோ கேட்கிறார்.
"ஆமாங்க. எங்களுக்கு ஒரு செல்போன், ஒரு பைக்கு, பைக்குக்கு பெட்ரோல் போட காசு, தினமும் பேப்பர் (தினசரி) வாங்க தனி படிக் காசுன்னு எல்லாம் தருவாக. இத்தனை நாள் முடி வெட்டுறதுக்கு கூட காசு கொடுத்துக்கிட்டு இருந்தாக. இப்ப தான் சில மாசம் முன்ன தான் அத நிறுத்துனாக" என்கிறார் மற்றொரு ஊழியர்.

குறைந்திருக்கா

5. இதுவரை உங்களுக்கான சலுகைகள் குறைந்திருக்கிறதா..?
"நிச்சயமா இல்லிய்ங்க. நாங்க இங்க பல வருஷமா வேலை பாத்துக்கிட்டு இருக்கோம். ஒவ்வொரு வருஷமும் ஏதுனா சலுகை அதிகரிச்சிக்கிட்டேத் தான் இருக்கும். இன்னும் சொல்லப் போனா ஓட்டுறதுக்கு வண்டி, வண்டில போட பெட்ரோல், அதோடு வண்டி ரிப்பேர் ஆன கூடா சரி செஞ்சிக் கொடுக்க மெக்கானிக் எல்லாம் எங்களுக்காக வச்சிருக்காரு பெரியவர் (ராஜகோபால்)" என்கிறார் ஒரு மதுரைக் கார ஊழியர்.

காசு அப்படியே இருக்கும்

6. நிருபர் கேள்வி கேட்பதற்கு முன்பே...
எங்க ஃப்ரெண்ட்ஸ் எல்லாம் கூட "சரவண பவன்ல வேலை பாக்குறவிய்ங்களுக்கு எல்லாம் என்ன தாண்டா செலவு இருக்கும்..? எல்லாத்தையும் உங்க கம்பெனியே பாத்துக்குறாய்ங்க, ஒரு நல்லது கெட்டதுக்கும் உங்க முதலாளி பணம் தர்றார், அன்றாட செலவுகளுக்கும் படிக் காசு தந்திடுறாய்ங்க... வாங்குற சம்பளத்த பூராவும், பேங்குல வட்டிக்கு போட்டு வெச்சிக்குவீய்ங்களோ..?" என்று கிண்டலா ஓட்டுவாய்ங்க என்கிறார் இன்னொரு சரவண பவன் ஊழியர்.