தேடி தேடி பெண்களை சேர்க்கும் ஆட்டோமொபைல் நிறுவனங்கள்.. டாடா, ஓலா, MG எடுத்த முக்கிய முடிவு..!

ஆட்டோமொபைல் துறை

ஆண்கள் மட்டுமே ஆதிக்கம் செய்து வந்த ஆட்டோமொபைல் துறையில் எலக்ட்ரிக் வாகனங்களே புதிய மாற்றமாக இருக்கும் நிலையில், எலக்ட்ரிக் வாகனங்கள் தயாரிக்கும் தொழிற்சாலைகளில் பெண்களை அதிகளவில் பணியில் சேர்த்து பாலின சமன்பாட்டை நிறுவனங்கள் எட்ட முயல்கிறது.

பெண்கள்

இந்த வகையில் எலக்ட்ரிக் வாகன துறையில் புதிதாக 10 பேரை பணியில் சேர்த்தால் அதில் 6 பேர் பெண்கள் தான். பெண்கள் EV துறையில் பிஸ்னஸ் மாடலிங், டிசைன் ரீடெவலப்மென்ட், ஈ மொபிலிட்டி, ரினியூவபிள் எனர்ஜி மேனேஜ்மென்ட் பிரிவில் பணியில் அமர்த்தப்படுகின்றனர்.

 

35 சதவீதம் அதிகச் சம்பளம்

மேலும் கிரீன் துறையில் பெண்களுக்கு மற்ற துறைகளைக் காட்டிலும் 35 சதவீதம் அதிகச் சம்பளம் அளிக்கப்படுகிறது. இதுமட்டும் அல்லாமல் கடந்த ஒரு காலாண்டில் EV துறை சார்ந்த ஆட்டோமொபைல் நிறுவனங்களில் 18 சதவீதம் அதிகப் பெண்களைப் பணியில் சேர்க்கப்பட்டு உள்ளனர் என Adecco தெரிவிக்கிறது.

டாடா மோட்டார்ஸ், MG மோட்டார்ஸ்

இந்திய EV கார் சந்தையில் 80 சதவீத வர்த்தகத்தைப் பெற்று இருக்கும் டாடா மோட்டார்ஸ் பெண்களை அதிகளவில் பணியில் சேர்த்து வருகிறது. இதேபோல் MG மோட்டார்ஸ் நிறுவனமும் தற்போது பெண்களை அதிகளவில் பணியில் சேர்க்கும் வழக்கத்தைக் கொண்டு உள்ளது. பல ஆட்டோமொபைல் நிறுவனத்தில் பெண்கள் நிர்வாகக் குழு மற்றும் தலைமை பொறுப்புகளிலும் இருக்கிறார்கள்.

3000 பெண்கள்

டாடா மோட்டார்ஸ் நிறுவனத்தில் சுமார் 3000 பெண்கள் உற்பத்தி தொழிற்சாலைகளில் கார் முதல் கனரக வர்த்தக வாகனங்களில் பணியாற்றி வருகிறார்கள். சமீபத்தில் புனே-வில் ஒரு assembly line-ஐ மொத்தமும் பெண்கள் இயக்கும் தளமாக மாறியுள்ளது. இந்த assembly line-ல் சுமார் 1500 பேர் பணியாற்றி வருகின்றனர்.

ஓலா நிறுவனம்

இதேபோல் தனது எலக்ட்ரிக் ஸ்கூட்டர் உற்பத்தியில் தொழிற்சாலை துவங்கிய நாளில் இருந்து அதிகப்படியான பெண்களைப் பணியில் அமர்த்தியுள்ளது. இப்படி ஒவ்வொரு ஆட்டோமொபைல் உற்பத்தி நிறுவனங்களும் பெண்களுக்கு அதிகளவிலான இடத்தைக் கொடுத்து பாலின சமநிலையை ஈடு செய்ய முயற்சி செய்கிறது.