-3.88% பணவாட்டம்

அக்டோபர் மாதத்தில் முக்கியத் துறைகளில் நடந்த அதிகளவிலான வர்த்தகத்தின் மூலம் இந்திய சந்தையில் பணவீக்கத்தின் பாதிப்பு குறைந்ததுள்ளது.

இதன் காரணமாகச் செப்டம்பர் மாதத்தில் -4.54% இருந்த மொத்த விலை பணவீக்கம் அக்டோபர் மாதத்தில் -3.81%ஆகக் குறைந்தது.

உணவு பணவீக்கம்

இந்திய சந்தையில் பருப்பு மற்றும் இதர தானிய வகைகளின் தட்டுப்பாடு காரணமாக இதன் விலைகள் புதிய உச்சத்தை எட்டியது.

இதன் காரணமாகவே அக்டோபர் மாத காலகட்டத்தில், உணவுப் பொருட்களின் மீதான பணவீக்கத்தின் அளவு 0.3% அதிகரித்துக் காணப்படுகிறது.

உணவு அல்லாத விவசாயப் பொருட்கள்

இதேபோல் உணவுப் பொருட்கள் அல்லாத விவசாயப் பொருட்களின் பணவீக்கம் 0.2% உயர்ந்துள்ளது.

எரிபொருள் மற்றும் எரிசக்தி

இந்தியாவில் கச்சா எண்ணெய் தேவை அதிகரித்துள்ளதால், அக்டோபர் மாதத்தில் எரிபொருள் மற்றும் எரிசக்தி மீதான பணவீக்கம் 0.5% ஆக உள்ளது.

குறிப்பாக விமான எரிபொருளின் மீதான பணவீக்கத்தின் அளவுகள் 7 சதவீதம் வரை உயர்ந்துள்ளது. இதன் மூலம் இந்திய விமானத்துறை அதிகளவில் எரிபொருள் பயன்படுத்தி அதிகளவிலான வர்த்தகத்தைப் பெற்று வருவது தெரிகிறது.

உற்பத்தி பொருட்கள்

இதேபோல் அக்டோபர் காலத்தில் உற்பத்தி பொருட்கள் மீதான மொத்த விலை பணவீக்கம் நிலையான அளவுகளைப் பதிவு செய்துள்ளது.

உணவு பொருட்கள், மரம், பேப்பர், உலோகம் சார்ந்த துறைகளில் பணவீக்கத்தின் அளவுகள் உயர்ந்தாலும், போக்குவரத்து மற்றும் அட்டோமொபைல் உதிரி பாகங்கள், ரப்பர் மற்றும் பிளாஸ்டிக், தோல் ஆகிய துறைகளின பணவீக்கம் குறைந்ததால், உற்பத்தி பொருட்களின் பணவீக்கம் நிலை பெற்றுள்ளது.