YouTube Shorts Vs Instagram Reels: இரண்டில் எது அதிக வருமானம் தரும்? எதில் அதிக வீடியோ வெளியிடலாம்?

தற்போது இன்ஸ்டாகிராம் , யூடியூப் போன்ற தளங்களில் சேனல் உருவாக்கி அதன் மூலம் தங்களின் திறமைகளை வெளிப்படுத்தி கண்டன்ட் கிரியேட்டராக ஏராளமானவர்கள் தங்களுடைய வாழ்க்கையில் ஜொலிக்கத் தொடங்கி இருக்கிறார்கள். இவற்றில் அதிக ஃபாலோவர்களை பெற்றுவிட்டால் போதும் நம் வீடியோக்களுக்கு வியூஸ் அதிகரித்து வருமானம் கிடைக்க தொடங்கும்.

பெரும்பாலான நிறுவனங்கள் தங்களுடைய பொருட்களை பிரபலம் செய்வதற்கு இன்ஃப்ளுயன்சர்களை தான் அதிகம் நாட தொடங்கி இருக்கிறார்கள். ஏனெனில் அந்த அளவிற்கு இந்த கண்டண்ட் கிரியேஷனும் இன்ஃப்ளுயன்சர் மார்க்கெட்டிங்கும் மிகப்பெரிய அளவில் வளர்ச்சி பெற்றிருக்கின்றன. சிலர் தங்களுடைய சமையல் திறனை வெளிப்படுத்தி ஃபாலோவர்களை பெறுகிறார்கள். ஒரு சிலர் தங்களுக்கு தெரிந்த கலைகளை வெளிப்படுத்துகிறார்கள். சிலர் பாடம் எடுக்கிறார்கள் சிலர் ட்ராவல் செய்வது , பல்வேறு உணவகங்களுக்கு சென்று உணவினை மதிப்பாய்வு செய்வது என ஒவ்வொருவரும் தங்களது பிடித்த விஷயங்களை செய்து அவற்றை வீடியோவாக பதிவேற்றம் செய்து ஃபாலோவர்களை பெறுகிறார்கள்.

வீடியோக்களுக்கு எவ்வளவு வியூஸ் கிடைகிறதோ அதை பொறுத்து இன்ஸ்டாகிராம், யூடியூப் ஆகியவை அவர்களுக்கு ஒரு குறிப்பிட்ட வருவாயையும் வழங்குகின்றன. அந்த வகையில் யூடியூப் ஷார்ட்ஸ் மற்றும் இன்ஸ்டாகிராம் ரீல் ஆகிய இரண்டில் எது கண்டன்ட் கிரியேட்டர்களுக்கு அதிக வருமானம் தருகிறது என்பதை பார்க்கலாம்.

Also Read

தமிழ்நாட்டில் விவசாயம் செய்யும் மாதவன்!! தரிசு நிலத்தை தென்னந்தோப்பாக மாற்றி சாதனை!!

யூடியூப்பை பொறுத்தவரை விளம்பரங்கள் தான் அதன் பிரதான வருமான ஆதாரமாக இருக்கிறது. உங்களின் சேனல் மானிடைஸ் செய்யப்பட்டது என்றால் இந்த வீடியோக்களுக்கு வரக்கூடிய வியூஸ்கள் அடிப்படையில் வருமானம் அமையும். சில சமயங்களில் நீங்கள் பிராண்டுகளோடு ஒப்பந்தம் செய்து குறிப்பிட்ட சில பிராண்டுகளை விளம்பரப்படுத்தலாம் அந்த வகையில் உங்களுக்கு ஒரு கணிசமான வருமானம் கிடைக்கும். யூடியூப் ஷார்ட்ஸ் பொறுத்தவரை நிலையானதாகவும் நீண்ட கால அடிப்படையில் வருமானம் தரக்கூடியதாகவும் இருக்கிறது. தொடர்ச்சியாக உங்களுடைய வீடியோக்கள் அதிக வியூஸ்களை பெறுகிறது என்றால் ஒரு கணிசமான வருமானம் உங்களுக்கு வந்து கொண்டே இருக்கும்.

அதுவே இன்ஸ்டாகிராம் ரீல்ஸில் நேரடி வருவாய் என்பது அதில் கட்டுப்படுத்தப்பட்டதாக இருக்கிறது. நிறைய பேர் உங்களின் வீடியோக்களை பார்க்கிறார்கள், பகிரார்கள் , கமெண்ட் செய்கிறார்கள் என்றால் அதனை அடிப்படையாகக் கொண்டு நீங்கள் குறிப்பிட்ட சில பிராண்டுகளோடு செய்து ஒப்பந்தம் செய்து கொள்ளலாம். Affiliate marketing, brand collaboration ஆகியவை தான் இதில் நல்ல வருமானம் தரும்.

Recommended For You

அட்சய திருதியை தங்கம் விற்பனை: மக்களே இத கவனிக்கலனா உங்க தலையில துண்டு!!

யூடியூப் போல வருமான பகிர்வு இன்ஸ்டாகிராமில் இருக்காது, யூடியூப்புடன் ஒப்பிடுகையில் இது குறைவு தான். நீங்கள் புதிதாக ஒரு சேனல் தொடங்குகிறீர்கள் என்றால் இன்ஸ்டாகிராமில் எளிதாக நீங்கள் ஃபாலோவர்களை பெற்றுவிட முடியும் ஆனால் இதில் பிராண்ட் பிரமோஷன், ஒப்பந்தம் மூலம் தான் அதிக வருவாய் சாத்தியம். ஆனால் யூட்யூபில் தான் நீண்ட காலத்திற்கு ஒரு நிலையான வருவாயை பெற முடியும். எனவே இரண்டு தளத்தையும் சரியான முறையில் பயன்படுத்துவது தான் சிறந்தது.

உதாரணமாக 1 மில்லியன் வியூஸ் கொண்ட ஷார்ட்ஸ் என்றால் யூடியூப்பில் 5000 முதல் 30000 ரூபாய் வரை கிடைக்கும், ஆனால் இன்ஸ்டா ரீல்ஸ் என்றால் இதில் சொற்பமாக கூட கிடைக்காது, ஆனால் இதனை வைத்து நீங்கள் பிராண்ட்களுடன் ஒப்பந்தம் செய்து கொள்ளலாம்.